qoran

ఖోరాన్
వికీపీడియా నుండి
Jump to: navigation, search
ఖొరాన్ లేదా ఖురాన్ లేదా ఖుర్‌ఆన్, ఖొర్ఆన్, కొరాన్ (Qur'ān, القرآن ) ఇస్లాం మతము యొక్క పవిత్ర, మౌలిక గ్రంధము. అరబ్బీ భాషలో మూలముగా ఉన్న ఈ గ్రంధము అల్లాహ్ ప్రత్యక్ష వాణియేనని ఇది భగవంతునిచే మహమ్మదు ప్రవక్తకు తెలియజేయబడినదని ముసల్మానుల విశ్వాసము. [1] [2] [3], ఇది మానవజాతికి భగవంతుడొసగిన చివరి సందేశము అని మహమ్మదీయుల విశ్వాసము. [4][5] అరబ్బీ భాషలో 'ఖొరాన్' అనగా 'చదువుట','వల్లె వేయుట' అని అర్ధము.


ఒక పవిత్ర ఖుర్‌ఆన్ గ్రంధం ముఖచిత్రం 'అల్-ఖుర్‌అన్ అల్-కరీమ్'అని అలంకారికంగా వ్రాసిన శీర్షికతో
నేను మీదగ్గర రెండు వస్తువులు వదలిపెట్టి పోతున్నాను. ఈ రెండింటిని దృఢంగా పట్టుకొని ఆచరించేవారు ఎన్నటికీ దారి తప్పలేరు. వాటిలో ఒకటి దైవగ్రంధం (ఖుర్‌ఆన్). రెండవది నా ప్రవచనాలు, సంప్రదాయాలు (హదీస్) - మహాప్రవక్త ముహమ్మద్ (సల్లల్లాహు అలైహి వసల్లం - ఆయనపై శాంతి సౌభాగ్యాలు వర్షించుగాక).
ముసల్మానుల నమ్మకము ప్రకారము భగవంతుని సందేశములు మొట్టమొదటి ప్రవక్తయైన ఆదాము తో ప్రాంభింపబడి, షుహుఫ్ ఇ ఇబ్రాహిమ్, [6] తోరాహ్ (మోషే ధర్మశాస్త్రము, పాతనిబంధన ),[7][8], జబూర్ (దావీదు కీర్తనలు), [9] [10], ఇంజీల్ (క్రీస్తు సువార్త) , వంటివానితో కొనసాగింపబడి, చివరకు మహమ్మదు ప్రవక్తకు తెలుపజేయబడిన ఖొరాన్‌తో ముగిసినవి. పైన చెప్పిన గ్రంధాలలోని వివిధ సందేశాలను ఖుర్‌ఆన్ గుర్తిస్తుంది. [11] [12] [13]. యూదు, క్రైస్తవ గ్రంధాలలోని వివిధ ఘటనలు ఖొరాన్‌లో ప్రత్యక్షంగా గాని, పరోక్షంగా గాని, కొంత భేదాలతోగాని ప్రస్తావించబడ్డాయి.ఖుర్‌ఆన్ యొక్క సాధికారతను ఖొరానే స్పష్టంగా చెప్పింది. మిగిలిన విషయాన్ని ఇప్పుడు తెలియజేశాము. దీనికి రక్షణకూడా నిశ్చయంగా మేమే అని. [14][15]
విషయ సూచిక
[దాచు]
1 ఖురాన్ కు ఉన్న ఇతర పేర్లు
2 ఖుర్‌ఆన్ విభాగాలు
2.1 హిజ్బ్ లేదా మంజిల్ విభాగాలు
3 ఖుర్‌ఆన్ ఆవిర్భావం
4 అరబీ భాష, ఖురాన్
5 ఖుర్‌ఆన్ సవాలు
6 ఖురాన్ సూరాల జాబితా
7 ఇవికూడా చూడండి
8 మూలాలు
9 వనరులు
9.1 అనువాదాలు
9.2 ప్రాచీన విశ్లేక్షణ
9.3 పాత విశ్లేషణ
9.4 ఇటీవలి విశ్లేక్షణ
10 డైరెక్టరీలు
10.1 అనువాదాలు
10.2 వెతుకు
10.3 వ్రాత ప్రతులు
10.4 విశ్లేషణ
10.5 ఆడియో, వీడియో వనరులు
//
[మార్చు] ఖురాన్ కు ఉన్న ఇతర పేర్లు
ఖురాన్ కి ఉన్న ఇతర పేర్లు: అల్ కితాబ్:అల్లహ్ గ్రంధం (2:2) కితాబే ముబిన్:స్పష్టమైన ఆదేశాలు గలది(5:57) అల్ హుదా: మార్గదర్శని (2:120) అల్ ఫుర్ఖాన్:గీటురాయి బుర్హాన్:ఆధారం,నిదర్శనం(4:174) మోయిజత్:హితోపదేశం(3:138) ముసద్దిఖ్:ధృవపరచేది(5:46) బుష్రా:శుభవార్త నిచ్చేది అల్ హఖ్:సత్యం (10:108) జిక్రా:జ్ఞాపకంవుంచుకొనేది(3:58) అల్ ఇల్మ్:జ్ఞానం(2:145) నూర్:వెలుగు4:174) అల్ హఖీం:వివేచననిచ్చేది(36:1) ఇబ్రత్:గుణపాఠం నేర్పేది(12:111) రహ్మత్:కరుణగలది(6:157) బసాయిరున్:మనోనేత్రాలు తెరిచేది షిఫా:రోగనివారిణి,పిచ్చికుదిర్చేది(10:57,17:82) ముఫస్సల్:సవివరమైనది(6:114) అల్ మీజాన్:ధర్మకాటా ముహైమిన్:రక్షించేది(5:48) ఇమాం:మార్గదర్శి,సారధి,నాయకుడు(11:171) అల్ మజీద్:మహిమ గలది(46:1) అల్ కరీం:గౌరవప్రధమైనది,ఉన్నతమైనది(56:77)
[మార్చు] ఖుర్‌ఆన్ విభాగాలు


ఖుర్‌ఆన్ మొదటి అధ్యాయం ఫాతిహా.
ఖొరాన్‌లో మొదటి ఉపోద్ఘాత ప్రార్ధనా విభాగం తరువాత మొత్తం 114 'సూరా'లు (అధ్యాయాలు) ఉన్నాయి. మొత్తం సూక్తులు(ఆయత్ లు) 6236,మొత్తం పదాలు86430,మొత్తం అక్ష రాలు 323760,మొత్తం ఖురాన్ అవతరించిన కాలం 22 సంవత్సరాల 5 నెలల 14 రోజులు,వ్రాసి భద్రపరచిన అనుచరులు (సహాబీలు)40 మంది.మక్కాలో వచ్చిన సూరాలు90,మదీనాలో వచ్చిన సూరాలు 24.ఖురాన్లో అల్లాహ్ పేరు2697 సార్లు వస్తే ముహమ్మద్ అనే పేరు 4 సార్లు,అహ్మద్ అనే పేరు ఒక్క సారే వచ్చింది.26గురు ప్రవక్తల పేర్లు ప్రస్తావించబడ్డాయి.మానవ సృష్టి నుండి మొత్తం ప్రవక్తల సంఖ్య 124000. [16] మొదట్లో ఉన్న పెద్ద అధ్యాయాలలో మొహమ్మదు తన చివరికాలంలో చెప్పిన ప్రవచనాలు ఉన్నాయి. చివరిలో ఉన్న చిన్న అధ్యాయాలలో మొహమ్మదుకు తెలియజేయబడిన మొదటి సందేశాలున్నాయి. [17][18]
ఒక్కొక్క సూరాకు ఆ విభాగంలోని ప్రధాన విషయానికి సంబంధించిన శీర్షిక చెప్పబడింది.
[మార్చు] హిజ్బ్ లేదా మంజిల్ విభాగాలు
మొదటి విభాగమైన సూరా అల్-ఫాతిహా ను మిహాయించి మిగిలిన కొన్న్ని కొన్ని సూరాలను ఒక హిజ్బ్‌గా విభజించారు. 65 సూరాలు కలిగి ఉన్న ఏడవ హిజ్బ్ ను హిజ్బ్ ముఫాసిల్ అని కూడా అంటారు.
1వ మంజిల్ = 3 సూరాలు (2 నుండి 4 వరకు)
2వ మంజిల్ = 5 సూరాలు (5 నుండి 9 వరకు)
3వ మంజిల్ = 7 సూరాలు (10 నుండి 16 వరకు)
4వ మంజిల్ = 9 సూరాలు (17 నుండి 25 వరకు)
5వ మంజిల్ = 11 సూరాలు (26 నుండి 36 వరకు)
6వ మంజిల్ = 13 సూరాలు (37 నుండి 49 వరకు)
7వ మంజిల్ = 65 సూరాలు (50 నుండి 114 వరకు)
[మార్చు] ఖుర్‌ఆన్ ఆవిర్భావం


13వ శతాబ్దికి చెందిన ఒక ఖుర్‌ఆన్‌లో 33వ సూరా పేజీ
ప్రవక్తగా గుర్తింపబడడానికి ముందు ముహమ్మదు తరచుగా మక్కా పట్టణం వెలుపల ఉన్న హీరా గుహలో దైవధ్యానంలో నిమగ్నుడై ఉండేవాడు. అప్పుడు ఆయనకు దైవదూత అయిన జిబ్రీల్ (అలైహిస్సలాం - ఆయనకు శాంతి కలుగుగాక) కాంతిమయంగా కనపడి చదువు అని గంభీరమైన స్వరంతో అన్నారు. తనకు చదువురాదని మహమ్మదు చెప్పినా అదే ఆదేశం వినిపించింది. చకితుడైన మహమ్మదు ఇంటికి వచ్చి భార్య ఖదీజా (రజిల్లాహు అన్హు - తనపట్ల దేవుడు ప్రసన్నుడగుగాక) కు ఈ విషయం చెప్పాడు. ఆమె తన బంధువు వరఖా బిన్‌నౌఫల్‌తో సంప్రదించి, ముహమ్మదును ప్రోత్సహించింది. ఇలా ప్రారంభమయిన దైవసందేశావతరణ 23 సంవత్సరాలు కొనసాగింది. అల్లా సందేశాలు అందుకొన్నపుడల్లా ముహమ్మదు విచిత్రమైన అనుభూతికి లోనయ్యేవాడు.
ముహమ్మదు ప్రవక్త తనకు తెలియజేయబడిన సందేశాలను ప్రకటిస్తూ వుండగా ఆయన సహచరులు వాటిని విని తమకు ఏది అందుబాటులో ఉంటే దానిపై వ్రాశారు. రాసిన తరువాత లేఖకుడు ముహమ్మదుకు అది చదివి వినిపించేవాడు. అదిగా సరిగా వ్రాశారని నిర్ధారించుకొన్న తరువాత దానిని భద్రపరచేవారు.
ఆదినుండి ఇస్లాం సంప్రదాయం ప్రకారం నమాజ్‌లో ఖుర్‌ఆన్ సూక్తులు పఠించడం వలన ఆ సూక్తులను పలువురు కంఠస్తం చేశారు. ఇక చదవడం, రాయడం వచ్చిన సహాబీలు (ప్రవక్త ప్రత్యక్ష అనుచరులు) వివిధభాగాలను స్వయంగా రాసుకొని దాచుకొనేవారు.
(సున్నీ సంప్రదాయానుసారం) ఆ మహనీయుని నిర్యాణానంతరం ఆయన మొదటి ప్రతినిధి (ఖలీఫా) హజ్రత్ అబూ బకర్ సిద్దీఖ్ (రజిల్లాహు అన్హు - తనపట్ల దేవుడు ప్రసన్నుడగుగాక) వివిధ ప్రాంతాలలో ఉన్న హాఫిజ్‌ (ఖుర్‌ఆన్ స్మర్త) లందరినీ రాజధానికి రావించి, జాయెద్ ఇబిన్ తాబిత్ అల్-అన్సారీ అధ్వర్యంలో ఖురాన్ను ఒక ప్రామాణిక సంపూర్ణ గ్రంధంగా కూర్పించారు. 'ఆ ప్రతి అబూ బకర్ వద్ద, అతని మరణానంతరం ఉమర్ వద్ద, అతని అనంతరం ఒమర్ కూతురు హఫ్సా బింతె ఉమర్ వద్ద ఉన్నది. [19] మూడవ ఖలీఫా హజ్రత్ ఉస్మాన్ (రజిల్లాహు అన్హు - తనపట్ల దేవుడు ప్రసన్నుడగుగాక) పాలనా కాలంలో దాని ప్రతులు తీయించి అధికారికంగా ముస్లిం మతం ప్రచారంలో ఉన్న వివిధ ప్రాంతాలకు పంపించారు. వాటిలో రెండు ప్రతులు ఈనాటికి కూడా లభ్యమౌతున్నాయి. ఖురాన్ ఆదినుండీ ఒక్క అక్షరం కూడా తేడా లేకుండా పరంపరాగతంగా తరతరాలుగా అందింపబడుతున్నది అని వివిధ పరిశోధనలద్వారా ధృవీకరింపబడింది.
[మార్చు] అరబీ భాష, ఖురాన్
ఖుర్‌ఆన్ అవతరించిన అరబీ భాష దాదాపు యాభయ్ కోట్ల మంది ప్రజలకు, 20 పైచిలుకు దేశాలలో మాతృభాషగా ఉంది. వ్యాకరణం, పదకోశం, ఉచ్చారణ, నుడికారాలు ఈ 1400 సంవత్సరాలలో స్థిరంగా ఉన్నందున ఆనాటి అరబ్బులలాగానే ఈనాడు అరబ్బీ భాష మాటలాడేవారు కూడా చదివి అర్ధం చేసుకోగలరు.
ఖురాన్ శైలి విశిష్టమైనదని సర్వత్రా గుర్తిస్తారు. అందులోని పదజాల సౌందర్యం వలన ఇది ప్రాసయుక్తమైన గద్యమని, గద్యరూపంలో ఉన్న పద్యమని వివిధ అభిప్రాయాలున్నాయి. ఇందులో పద్యానికి ఉండవలసిన లాక్షణిక నియతి ఏదీ లేకపోయినా భావగర్భితమైన పదబంధాలు, కవితా సృష్టిలోని నుడికారపు సొంపులు, పదాలంకరణలు మాత్రం ఉన్నాయి. అలాగే మరొకవైపు గద్యానికి వుండవలసిన భావగాంభీర్యం, భావ సమగ్రత, విషయానుశీలనం, వాక్యాల పటుత్వం కొట్టవచ్చినట్లు కన్పిస్తాయి. అయినా ఖురాన్ శైలి గ్రంధ రచనలా వుండదు. ఇది పూర్తిగా ప్రసంగ ధోరణిలో సాగుతుంది. ‍‌[20]
[మార్చు] ఖుర్‌ఆన్ సవాలు
మహమ్మదీయుల విశ్వాసం ప్రకారం ఖుర్‌ఆన్‌లో చెప్పబడిన విషయం అద్భుత సత్యమవడమే కాదు. ఖుర్‌ఆన్ ఆవిర్భావమే ఒక అద్భుతం. ఇది స్వయంగా దైవవాణి. మనిషిచే రచింపబడే అవకాశమే లేదు. [21]. ఈ విషయం నిరూపించడానికి ఖుర్‌ఆన్‌లోనే సవాలులు ఉన్నాయి.
"వారు ఖుర్‌ఆన్‌ను గురించి ఆలోచించరా? ఇది అల్లాహ్ వద్దనుండి గాక మరెవరివద్దనుండో వచ్చివుంటే ఇందులో ఎంతో భావవైరుధ్యం ఉండేది గదా?" (4:82)
"మానవజాతి అంతా కలిసి తమ శక్తినంతా కలిపి ధారపోసినా ఇటువంటి గ్రంధాన్ని రచింపజాలరు (17:88)
ఒకవేళ మా దాసునిపై అవతరింపజేసిన ఈ గ్రంధం పట్ల మీకేమైనా అనుమానం ఉంటే, ఇందులో ఉన్నటువంటి ఓ అధ్యాయం రచించి తీసుకురండి. ఈ పనికోసం ఒక్క దేవుడ్ని వదలి మీ సహాయకులందరినీ పిలుచుకోండి. మీరు సత్యమంతులైతే ఈ పని చేసి చూపండి. మీరీ పని చేయలేకపోతే .... ఎంతమాత్రం చేయలేరు.... మనుషులు, పాషాణాలు ఇంధనం కాగల నరకాగ్నికి భయపడండి. సత్య తిరస్కారులకోసం అది సిద్ధంగా ఉంది. (2:23)
ఈ విధమైన సవాలులను ఎదుర్కొనే ప్రయత్నాలు (ముస్లిమేతరుల చేత) జరిగాయిగాని వాటిని ముస్లిం పండితులు ఆమోదించలేదు.[22]
[మార్చు] ఖురాన్ సూరాల జాబితా
(ఖర్‌ఆన్ భావామృతం - అబుల్ ఇర్ఫాన్ రచన - నుండి తీసుకొన్న విషయ సూచిక)


తైమూర్ కాలంలోని ఇప్పటి ఆఫ్ఘనిస్తాన్ ప్రాంతానికి చెందిన ఖుర్‌ఆన్ - షుమారు 1400 సంవత్సరం కాలం.


మూడు పవిత్ర గ్రంధాలను గురించినఒక తెలుగు పుస్తకం సమీక్ష avkf books
ప్రారంభం (ఫాతిహా) - 7 సూక్తులు
గోవు (ఖబరా) - 286 సూక్తులు
ఇమ్రాన్ కుటుంబం (ఆలి ఇమ్రాన్) - 200 సూక్తులు
స్త్రీలు (నిసా ) - 176 సూక్తులు
వడ్డించిన విస్తరి (మాయిదా) - 120 సూక్తులు
పశువులు (అన్‌ఆమ్ ) - 165 సూక్తులు
శిఖరాలు (అరాఫ్) - 206 సూక్తులు
సమర సొత్తు (అన్ఫాల్) - 75 సూక్తులు
పశ్చాత్తాపం (తౌబా) - 129 సూక్తులు
యూనుస్ (యూనుస్) - 109 సూక్తులు
హూద్ (హూద్) - 123 సూక్తులు
యూసుఫ్ (యూసుఫ్) - 111 సూక్తులు
మేఘ గర్జన (రాద్) - 43 సూక్తులు
ఇబ్రాహీం (ఇబ్రాహీం) - 52 సూక్తులు
హిజ్ర్ వాసులు (హిజ్ర్) - 99 సూక్తులు
తేనెటీగ (నహల్) - 128 సూక్తులు
ఇస్రాయీల్ సంతతి (బనీ ఇస్రాయీల్) - 111 సూక్తులు
మహాబిలం (కహఫ్) - 110 సూక్తులు
మర్యం (మర్యం) - 98 సూక్తులు
తాహా (తాహా) - 135 సూక్తులు
దైవ ప్రవక్తలు (అంబియా) - 112 సూక్తులు
హజ్ యాత్ర (హజ్) - 78 సూక్తులు
విశ్వాసులు (మోమినీస్) - 118 సూక్తులు
జ్యోతి (నూర్) - 64 సూక్తులు
గీటురాయి (పుర్ఖాన్) - 77 సూక్తులు
కవులు (షుఅరా) - 227 సూక్తులు
చీమలు (నమల్) - 93 సూక్తులు
గాధలు (ఖసస్) - 88 సూక్తులు
సాలెపురుగు (అన్కబూత్) - 69 సూక్తులు
రోమ్ వఅసులు (రూమ్) - 60 సూక్తులు
లుఖ్మాన్ (లుఖ్మాన్) - 34 సూక్తులు
సాష్టాంగ ప్రమాణం (సజ్దా) - 30 సూక్తులు
సైనిక దళాలు (అహ్జాబ్) - 73 సూక్తులు
సబా జాతి (సబా) - 54 సూక్తులు
సృష్టికర్త (ఫాతిర్) - 45 సూక్తులు
యాసీన్ (యాసీన్) - 83క్తులు
పంక్తులు తీరినవారు (సాప్ఫాత్) - 182 సూక్తులు
సాద్ (సాద్) - 88 సూక్తులు
బృందాలు (జుముర్) - 75 సూక్తులు
విశ్వాసి (మోమిన్) - 85 సూక్తులు
హామీమ్ (హామీమ్) - 54 సూక్తులు
సలహా సంప్రదింపులు (షూరా) - 53 సూక్తులు
బంగారు నగలు (జుఖ్రుఫ్) - 89 సూక్తులు
పొగ (దుఖాన్) - 59 సూక్తులు
కూలబడినవాడు (జాసియా) - 37 సూక్తులు
ఇసుక కొండ నేల (అహ్‌ఖాఫ్) - 35 సూక్తులు
ముహమ్మద్ (ముహమ్మద్)- సూక్తులు
విజయం (ఫతహ్) - 29 సూక్తులు
నివాస గృహాలు (హుజురాత్) - 18 సూక్తులు
ఖాఫ్ (ఖాఫ్) - 45 సూక్తులు
గాలి దుమారం (జారియా) - 60 సూక్తులు
తూర్ పర్వతం (తూర్) - 49 సూక్తులు
నక్షత్రం (నజ్మ్) - 62 సూక్తులు
చంద్రుడు (ఖమర్) - 55 సూక్తులు
కరుణామయుడు (రహ్మాన్) - 78 సూక్తులు
సంఘటన (వాఖియా) - 96 సూక్తులు
ఇనుము (హదీద్) - 29 సూక్తులు
వాదిస్తున్న స్త్రీ (ముజాదలా) - 22 సూక్తులు
దండయాత్ర (హష్ర్) - 24 సూక్తులు
పరీక్షిత మహిళ (ముమ్తహినా) - 13 సూక్తులు
సైనిక పంక్తి (సఫ్) - 14 సూక్తులు
సప్తాహ సమావేశం (జుముఆ) - 11 సూక్తులు
కపట విశ్వాసులు (మునాఫిఖూన్) - 11 సూక్తులు
జయాపజయాలు (తగాబున్) - 18 సూక్తులు
విడాకులు (తలాఖ్ ) - 12 సూక్తులు
నిషేధం (తహ్రీం) - 12 సూక్తులు
విశ్వ సార్వభౌమత్వం (ముల్క్) - 30 సూక్తులు
కలం (ఖలం) - 52 సూక్తులు
పరమ యదార్ధం (హాక్ఖా) - 52 సూక్తులు
ఆరోహణా సోపానాలు (మారిజ్) - 44 సూక్తులు
నూహ్ ప్రవక్త (నూహ్) - 28 సూక్తులు
భూతము (జిన్) - 28 సూక్తులు
దుప్పట్లో నిదురించేవాడు (ముజమ్మిల్) - 20 సూక్తులు
దుప్పట్లో పడుకున్నవాడు (ముదస్సిర్) - 56 సూక్తులు
ప్రళయం (ఖియాయా) - 40 సూక్తులు
సమయం (దహర్) - 31 సూక్తులు
(రుతు)పవనాలు (ముర్సలాత్) - 50 సూక్తులు
సంచలనాత్మక వార్త (సబా) - 40 సూక్తులు
దూరి లాగేవారు (నాజిఆత్) - 46 సూక్తులు
భృకుటి ముడిచాడు (అబస) - 42 సూక్తులు
చాప చుట్టలా (తక్వీర్) - 29 సూక్తులు
బీటలు (ఇన్ఫితార్) - 19 సూక్తులు
హస్తలాఘవం (ముతప్ఫిఫీన్) - 36 సూక్తులు
ఖండన (ఇన్షిఖాఖ్) - 25 సూక్తులు
ఆకాశ బురుజులు (బురూజ్) - 22 సూక్తులు
ప్రభాత నక్షత్రం (తారిఖ్) - 17 సూక్తులు
మహోన్నతుడు (ఆలా) - 19 సూక్తులు
ముంచుకొస్తున్న ముప్పు (గాషియా) - 26 సూక్తులు
ప్రాతఃకాలం (ఫజ్ర్) - 30 సూక్తులు
పట్టణం (బలద్) - 20 సూక్తులు
సూర్యుడు (షమ్స్) - 15 సూక్తులు
రాత్రి (లైల్) - 21 సూక్తులు
పగటి వెల్తురు (జుహా) - 11 సూక్తులు
మనశ్శాంతి (అలమ్‌నష్రహ్) - 8 సూక్తులు
అంజూరం (తీన్) - 8 సూక్తులు
గడ్డకట్టిన రక్తం (అలఖ్) - 19 సూక్తులు
ఘనత (ఖద్ర్) - 5 సూక్తులు
విస్పష్ట ప్రమాణం (బయ్యిన) - 8 సూక్తులు
భూకంపం (జిల్‌జాల్) - 8 సూక్తులు
తురంగం (ఆదియాత్) - 11 సూక్తులు
మహోపద్రవం (ఖారిఆ) - 11 సూక్తులు
ప్రాపంచిక వ్యామోహం (తకాసుర్) - 8 సూక్తులు
కాల చక్రం (అస్ర్) - 3 సూక్తులు
నిందించేవాడు (హుమజా) - 8 సూక్తులు
ఏనుగు (ఫీల్ ) - 5 సూక్తులు
ఖురైషీయులు (ఖురైష్) - 4 సూక్తులు
సాధారణ వినియోగ వస్తువులు (మాఊన్) - 7 సూక్తులు
శుభాల సరోవరం (కౌసర్) - 3 సూక్తులు
అవిశ్వాసులు (కాఫిరూన్) - 6 సూక్తులు
సహాయం (నస్ర్) - 3 సూక్తులు
అగ్నిజ్వాల (లహబ్) - 5 సూక్తులు
ఏకేశ్వరత్వం (ఇఖ్లాస్) - 4 సూక్తులు
అరుణోదయం (ఫలఖ్) - 5 సూక్తులు
మానవాళి (నాస్) - 6 సూక్తులు
[మార్చు] ఇవికూడా చూడండి
భారతీయ భాషలలో ఖురాన్ అనువాదాలు
[మార్చు] మూలాలు
↑ Qur'ān, Chapter 2, Verses 23-24
↑ Living Religions: An Encyclopaedia of the World's Faiths, Mary Pat Fisher, 1997, page 338, I.B. Tauris Publishers,
↑ Qur'an, Chapter 17, Verse 106
↑ Qur'an, Chapter 33, Verse 40
↑ Watton, Victor, (1993), A student's approach to world religions:Islam, Hodder & Stoughton, pg 1. ISBN 0-340-58795-4
↑ Qur'ān Chapter 87, Verses 18-19
↑ Qur'ān, Chapter 3, Verse 3
↑ Qur'ān, Chapter 5, Verse 44
↑ Qur'ān, Chapter 4, Verse 163
↑ Qur'ān, Chapter 17, Verse 55
↑ Qur'ān, Chapter 3, Verse 84
↑ Quran, Chapter 4, Verse 136
↑ "The Qur'an assumes the reader to be familiar with the traditions of the ancestors since the age of the Patriarchs, not necessarily in the version of the "Children of Israel" as described in the Bible but also in the version of the "Children of Ismail" as it was alive orally, though interspersed with polytheist elements, at the time of the Prophet Muhammad (s). The term Jahiliya (ignorance) used for the pre-Islamic time does not mean that the Arabs were not familiar with their traditional roots but that their knowledge of ethical and spiritual values had been lost." Exegesis of Bible and Qur'an, H. Krausen. http://www.geocities.com/athens/thebes/8206/hkrausen/exegesis.htm
↑ Qur'ān, Chapter 15, Verse 9
↑ Qur'ān Chapter 5, Verse 46
↑ Sydney Nettleton Fisher, The Middle East: a history, p.55
↑ Molloy (2006), p.451
↑ Esposito (2002), p.8
పొడుపు కధలు
వికీపీడియా నుండి
Jump to: navigation, search

ఈ వ్యాసం లేదా వ్యాసభాగాన్ని విస్తరించవలసి ఉంది.వివరాలకు జాబితా లేదా ఈ వ్యాసపు చర్చా పేజీ చూడండి. విస్తరణ పూర్తయిన తర్వాత, ఈ నోటీసును తొలగించండి.